Vil du laga musikkvideo, ta gode bilete, laga innhald til sosiale medium? Filme konsertar? Lage kortfilm? Redigera bilete, video og musikk?
Dette er er eit halvtårskurs for deg som ventar på å starte i militæret, har nettopp vore der eller har eit ledig halvår du ikkje har lagt planer for.
Ser du for deg bilder, video eller kunst når du høyrer musikk eller les ein tekst? Eller høyrer du musikk når du ser bilder osv.? Ønskjer du å laga ein musikkvideo? Vil du laga livestream av konsertar eller framsyningar? Vil du realisere ditt eige uttrykk? Eller trivast du best med å tolke andre sine draumar og tankar?
Linja Medieproduksjon er eit fordjupningfag innan Musikk og media. Saman med Filmmusikk har dei fleire fellestimar. Me har andre spennande musikklinjer på skulen og legg stor vekt på samarbeid mellom linjene. Her er det mange moglegheiter for musikalsk og filmatisk utfoldelse ut i frå dine interesser.
Dine interesser er viktig for oss, du vil få mykje tid til å jobba i den retninga du sjølv ønskjer, også i samarbeid med andre.
Dei frilynte folkehøgskulane har verdigrunnlag som ikkje tek utgangspunkt i eitt bestemt livssyn. Dei vil gjerne ha elevar med ulike interesser og livssyn.
